Video
Read full review
2019-03-08
526 views
星期五放工唔想煮飯，喺朋友FB見佢買呢間飯卷做lunch，睇落唔錯，諗唔到食咩就跟佢。呢度主要賣壽司卷，即係Maki，有signature rolls同classic rolls各六款，係四件同六件嘅分別，另外有三文魚帆立貝呢類刺身壽司。黎得呢度我當然試下特別野，叫左四款，同老公每人兩盒。外賣盒幾吸引，中間透明可以望到入面色彩繽紛嘅壽司。Sea Monster (4件)呢款餡料係蟹棒、天婦羅蝦、青瓜絲，面頭有大量櫻花蝦仔、炸蒜、紫薯粉，再加入特別醬汁，賣相好靚，特別係紫薯粉帶出黎嘅紫色，睇到我心心眼。餡料清新，配料惹味，一濃一淡加埋岩岩好。Beef-iyaki (4件)螢光綠魚子好搶眼，餡料有牛肉、腐皮、牛油果、青瓜絲，醬汁同上，牛肉醃得入味，腐皮甜甜地，一甜一鹹，又幾好食喎。呢兩款壽司每件都好似手板咁大，食四件其實都飽左一半。Mango Dynamite (6件)芒果、天婦羅蝦、青瓜呢個組合冇唔好食嘅理由，芒果酸酸甜甜，中和天婦羅嘅輕微油膩感，一啖一件，趕時間食最方便。Black Magma (6件)係我最愛嘅吞拿魚蓉，另加切碎嘅帆立貝撈魚子，黑色係芝麻醬，都幾令人意想不到。刺身鮮
黎得呢度我當然試下特別野，叫左四款，同老公每人兩盒。外賣盒幾吸引，中間透明可以望到入面色彩繽紛嘅壽司。
Sea Monster (4件)
呢款餡料係蟹棒、天婦羅蝦、青瓜絲，面頭有大量櫻花蝦仔、炸蒜、紫薯粉，再加入特別醬汁，賣相好靚，特別係紫薯粉帶出黎嘅紫色，睇到我心心眼。餡料清新，配料惹味，一濃一淡加埋岩岩好。
Beef-iyaki (4件)螢光綠魚子好搶眼，餡料有牛肉、腐皮、牛油果、青瓜絲，醬汁同上，牛肉醃得入味，腐皮甜甜地，一甜一鹹，又幾好食喎。
呢兩款壽司每件都好似手板咁大，食四件其實都飽左一半。
Mango Dynamite (6件)芒果、天婦羅蝦、青瓜呢個組合冇唔好食嘅理由，芒果酸酸甜甜，中和天婦羅嘅輕微油膩感，一啖一件，趕時間食最方便。
Black Magma (6件)係我最愛嘅吞拿魚蓉，另加切碎嘅帆立貝撈魚子，黑色係芝麻醬，都幾令人意想不到。
刺身鮮甜，另外加入天婦羅脆脆增加口感，我估鐘意食刺身嘅人都會鐘意呢個。
甜品加$15，有兩款現成日本布甸，自家製就有呢款水信玄餅，估唔到可以喺呢度食到。口感類似啫喱，但滑好多，味道主要黎自黑糖同黃豆粉，可以自己決定加幾多，我鐘意甜，全部落哂就岩岩好，日本黑糖味道好特別，$15我覺得好抵。
等嘅期間見到雪櫃入面仲有十款八款日本飲品，同埋原來呢度都有做埋到會。
Post
