スーパー丼 (駱克道) (Closed)

新年假期銅鑼灣周圍都係人，要搵地方食晏都好難，難得見到呢間黄店餐廳好似有位就入去食了呢間係一間食日本丼飯的餐廳，食物的選擇非常豐富！有黃金鹹蛋醬丼飯、和牛丼飯、刺身海鮮丼飯、火炙海鮮丼飯，還有刺身沙律等等～花多眼亂而且各有特色，最後我點了帆立貝和牛丼上菜時原來還會跟上味噌湯和沙律，味噌湯略嫌太濃味，沙律是日式麻醬沙律，蔬菜十分新鮮～炸帆立貝有兩粒，肩板腱和牛起碼有八至十塊，而且塊塊都有一定的厚度，全部都係五成熟，和牛食落相當重牛的味道，而且腍得來有肉的咬口，好食！帆立貝有燒過的香味，不錯～建議多一點的和牛汁會更加濃郁！