是晚餐廳雖然未滿座，但都算幾多人食，始終一鍋堂吸引力強勁，剩係飲品已經有大量選擇，仲有自家制飲品，但我地無試，覺得飲番罐裝飲品好似會穩陣啲😆！
食物選擇都ok，未係勁多款，但勝多質素高同有好多回本貨色，包庇新鮮魚雲，厚切肥美鱔片，有蜆有聖子，仲有大大塊花膠，手打墨魚滑同黑松露墨魚滑，食多幾碟回本無難度！只係肉嘅款色較少，牛肉只有兩款，質素就一般啦！
餐廳將啲火鍋料用一個個架擺放好，既整齊又慳位，醬料方面應有嘅都有，服務亦吾錯，職員忙但都有禮貌嘅，以$168呢個價錢食足兩個鐘，CP值確係高。計埋加一同有$100 discount，我地二人埋單都只係$270，真心抵食！😎
