吉列牛忌廉烏冬專門店 (百樂中心) (Closed)

朋友吹雞，要找個伴吹吹水，okay，我地就找到吉列牛忌廉烏冬專門店。聽個餐廳名就知應該要點吉列牛同忌廉烏冬啦，剛好餐廳有二人set就可以滿足到要求,而且我地仲貪心，再點多個香辣忌廉雞肉炒麵（註：我朋友本身超大食）二人餐包括吉列牛肉定食及忌廉牛肉烏冬。吉列牛肉定食：牛肉包著吉列脆皮，但還未完全熟透，用石鍋自己再烤熟一點，牛肉稍稍轉色，便可以食了，吉列豬扒食得多，吉列牛肉一樣好味，外少少脆內暖，牛肉入口鬆化，味道可以再加wasabi, 或醬汁。定食仲有小食，有飯素的飯，沙律。忌廉牛肉烏冬咖哩烏冬加忌廉，好新穎的食法，忌廉幼滑，中和了咖哩的辣，但又另咖哩更香口，烏冬彈牙，好好味，我朋友足足食左3/4碗，才留少少給我。香辣忌廉雞肉炒麵忌廉程淺黃色，炒麵都算幾辣，無咖哩烏冬咁易入口，但勝在惹味可口。好滿意呢餐晚飯，嚐試新菜式之餘，埋單3百幾蚊，不錯不錯。