八天堂 (Closed)

八天堂一直以來嘅印象只係賣包，朋友話嚟食飯我心諗有冇搞錯呀，食包飽咩？原來我真係錯晒，八天堂何止有包食，佢仲有烏冬同埋飯食添，試咗個明太子烏冬配溫泉蛋，其實我對烏冬係有啲抗拒，不過今次竟然食晒因為實在太好味嘞！見佢一個限定版嘅原條鰻魚天婦羅漢堡，呢個真係第一次聽！係有啲擔心會唔會有啲腥，話晒都係魚喎⋯⋯試過之後其實擔心係多餘嘅，老土啲形容真係皮脆肉嫩，咬入去嗰啲魚嘅香味撲出嚟！呢個真係必食！今次朋友多樣樣都可以試吓，當然係要食佢嘅招牌忌廉包，實在太好味啦！我諗我要食兩個先夠！價錢來講係尖沙咀唔算貴，而且最啱打咭影相，我覺得係抵食嘅！