皇府 (Closed)

我好鍾意行又一城，貪佢多食肆，而皇府算係其中一間幫襯得最多既。點解會去試皇府呢，就係因為睇完本肥谷飯局，話果度既海南雞飯做得相當不俗，俾我呢個「雞癲」睇到，即刻要去試。間野裝修得幾好，但零零舍舍有4個貼牆既位特別窄，我第一次去就係坐果度......>_<食過咁多次皇府，海南雞飯係必食，每舊雞都去晒骨，岩晒我呢種冇牙力又懶既人，雞嫩、滑、有雞味，雞油飯又香口，好味非常!另外?地d中湯都幾有水準，亦食過豬頸肉，不過麻麻地，雲吞亦係佢地食得過既選擇。總括黎講，皇府係一間唔錯既中菜館，幾抵食，強烈建議果度既海南雞飯。