本身以為係食烤魚為主 估唔到重有好多美食
眼闊肚窄既我地又點左成枱野😋😋😋
打響頭炮係花膠魚翅撈飯
上枱嗰刻石鍋滾滾 好吸晴
估唔到店家甘有誠意 好足料 味道十足
撈飯真係一流！
跟住就係小鍋冒菜 我地簡左小辣
都唔算係好辣 我地既配菜有鮮牛肉、腩肉、鴨血、豆芽同埋薯粉 好惹味🥰🥰
之後就係必點既避風塘龍蝦🦞
真係超好食 龍蝦好鮮甜 避風塘風味好夾龍蝦
脆卜卜 好滋味 真係必點之選
串燒放面我地就揀咗牛脷、蒜香金菇同埋生蠔🦪
牛脷好好食 燒到剛剛好 唔會韌 推介👍🏻
蒜香金菇比較下就比較普通 味道淡左啲
生蠔水平中上 蒜香🧄十足 都可以一試
食左甘多重口味既野 當然要飲番杯解膩
我哋分別叫咗兩款兩泡茶 金鳳烏龍茶同埋桂花綠茶 兩款都好有茶香味 個人推介金鳳烏龍茶😚
