Casa Fina Seafood & Oyster Bar (Closed)

今晚在銅鑼灣附近放工，就順便約朋友食個晚飯，搵到恩平道樓上有一間環境同食物都不錯的西餐 Casa Fina Seafood & Oyster Bar，就打電話訂位黎試下。餐廳環境舒適有格調，氣氛夠浪漫，係聚會聊天的好地方。餐廳出名有新鮮美味的生蠔，我地都急不及待點了6隻來食。由右下開始順時針依次係西班牙Arousa, 夠厚身大隻，味道較清淡，肉質爽身嫩滑，法國 Poesie ,味道稍濃郁，鮮甜爽口，有淡淡的海水味，法國 Tatihou, 味道濃厚，多汁鮮甜。香煎登爵尼斯蟹餅，煎得皮脆內稔，咬落卜卜脆，香濃惹味，𥚃面係满满的蟹肉絲，軟稔鮮甜，味道濃郁。招牌蠔湯，湯汁稠厚，口感細膩，鮮甜美味，用料足，好重生蠔味。烤原條日本魷魚釀意大利飯，在原隻日本魷魚內釀入用白汁煮成的意大利飯，烤得香氣撲鼻，肉質彈牙煙韌，飯粒香甜軟熟，口感層次豐富。意大利檸檬雪糕，賣相一流，白色雪糕鋪满淺黃色的檸檬味碎粒，入口即溶，有好香濃的檸檬香氣，有少少似雪葩的質感，口感特別，奶滑而爽脆。