九運米線王

Open Now

Now Closed

米線款式真係越黎越多，最近係銅鑼灣搵到間好食既米線! 聽講雞翼係佢地招牌!招牌珍寶雞翼米線湯底簡左金湯酸辣，湯色金黃色，酸辣清爽又唔會嗆喉。酸菜口感酸爽可口，提升酸辣湯底既層次。招牌珍寶雞翼size大大隻，生炸之後，外皮係好脆口，入面既肉係好juicy，醬汁係甜甜地，幾好食。另外簡左，自選米線，因為唔太食得辣，簡左佢個唔辣既招牌野茵雞湯! 就算唔食辣，都有唔係清湯咁DRY既選擇! 呢個野茵雞湯好足料，入面有好多款茵類，金針菇，雞髀菇，冬菇等等，味道鮮甜，好似飲緊老火湯咁! 配料簡左竹笙同埋魚肉春卷。平時好少鋪頭有魚肉春卷簡架!我地仲叫左炸菜肉餃子，香口美味!