**(車仔麵 1) 車仔麵配河粉 (極尚咖喱汁湯底)**
第一碗我揀咗極尚咖喱汁湯底，配料方面，我叫咗70度慢煮火炙叉燒、王牌瑞士雞翼、濃香沙嗲牛肉同私房慢煮豬腩肉。咖喱汁好香濃，唔會太辣，河粉好滑溜，索晒咖喱汁！叉燒好嫩，雞翼好入味，沙嗲牛肉好香，豬腩肉肥瘦適中，總之樣樣都好食！
**(車仔麵 2) 車仔麵配河粉 (終極全汁湯底)**
第二碗就係終極全汁湯底，配料方面，我哋叫咗秘製牛雜、雲吞同秘製豬紅。全汁湯底好夠味，牛雜炆得夠淋，雲吞入面竟然有成隻半蝦，好足料！豬紅都好滑，冇腥味！
另外叫咗油菜正常發揮😊
嘢飲幾特別有六花茶, 平時都係飲五花茶, 食車仔麵有六花茶飲, 中和一下!
2
