🔥火炙海鮮丼 (下午茶) - $78
海鮮丼有三文魚、三文魚腩、帶子、時令魚同蟹肉。呢個海鮮丼樣樣都有啲，啱晒咩都想試嘅朋友🤭～ 刺身新鮮肥美，仲可以自由選擇要唔要火炙添( ´▽` )ﾉ！
🍣焦糖三文魚卷 - $68
卷物喺店鋪必點‼️上枱時店員會即時係碟邊點火🔥🔥，視覺震撼啱晒打卡🤳！
三文魚卷包著雞蛋絲、蟹柳、青瓜等配料，表面有層燒過嘅焦糖🍬。原本都好疑惑三文魚加焦糖會唔會好怪，但估唔到味道又幾夾😋！卷物食落微暖，經炙燒過嘅三文魚變得非常香滑，油香感重，成個卷好似熔落口中，勁正(⁎⁍̴̛ᴗ⁍̴̛⁎)！
好開心🥰呢餐食得非常滿足，個人認為卷物比丼飯更有特色，價錢亦唔貴，非常推薦✨
-
滋味度：⭐⭐⭐⭐（最高5星）
抵食度：⭐⭐⭐⭐⭐（最高5星）
