Video
Read full review
2017-12-10
131 views
炸沖繩芝麻雞翼 $44 呢個雞翼炸得好香脆，炸粉唔會同雞翼分開，而且加埋啲芝麻在面令到雞翼勁香！雖然佢係油炸，但大廚炸得好好，雞翼唔會好油，在炸果陣可以將油迫番出黎。而家雞翼炸得剛好，雞肉幾滑又入味，完全無雪藏味。 汁燒安格斯牛肉串 $26 牛肉肉味幾香濃，而且燒既火侯岩岩好，邊位脆口得黎又唔會令肉糙咗。不過汁燒既話，有啲覺得汁燒味道濃烈左，有時仲會蓋左牛肉味。 汁燒安格斯牛肉大蔥串 $22 呢個肉串評論同汁燒安格斯牛肉串差唔多，不過大蔥味道仲濃烈啲，有啲蓋左牛肉味。 蒲燒鰻魚 $98呢個真係好值得試，一上枱已經聞到勁香，香味唔單止在醬汁到黎，仲要係個鰻魚本身香味同油脂既香～首先講下個醬汁，唔會太甜或者太杰，反而個味道同鰻魚本身香味好夾，有提鮮效果，味道一啲都唔膩。而鰻魚好鬼長，起碼有個半手掌咁長（女士手掌），而且都算係厚肉，起碼咬落去好有口感同埋啖啖肉，鰻魚燒得剛熟，令魚肉好有彈性又軟綿，魚肉仍帶有濕潤感覺，雖然末至於入口即融既感覺，但係呢個價同出面食既鰻魚飯已經好大分別。加上鰻魚有一定魚脂，吃落去勁香～燒三文魚頭 $78 呢個同樣一上枱已經聞到勁香，而且魚頭好大添，仲聞到陣陣炭香味
呢個雞翼炸得好香脆，炸粉唔會同雞翼分開，而且加埋啲芝麻在面令到雞翼勁香！雖然佢係油炸，但大廚炸得好好，雞翼唔會好油，在炸果陣可以將油迫番出黎。而家雞翼炸得剛好，雞肉幾滑又入味，完全無雪藏味。
汁燒安格斯牛肉串 $26
牛肉肉味幾香濃，而且燒既火侯岩岩好，邊位脆口得黎又唔會令肉糙咗。不過汁燒既話，有啲覺得汁燒味道濃烈左，有時仲會蓋左牛肉味。
汁燒安格斯牛肉大蔥串 $22
呢個肉串評論同汁燒安格斯牛肉串差唔多，不過大蔥味道仲濃烈啲，有啲蓋左牛肉味。
蒲燒鰻魚 $98
呢個真係好值得試，一上枱已經聞到勁香，香味唔單止在醬汁到黎，仲要係個鰻魚本身香味同油脂既香～首先講下個醬汁，唔會太甜或者太杰，反而個味道同鰻魚本身香味好夾，有提鮮效果，味道一啲都唔膩。而鰻魚好鬼長，起碼有個半手掌咁長（女士手掌），而且都算係厚肉，起碼咬落去好有口感同埋啖啖肉，鰻魚燒得剛熟，令魚肉好有彈性又軟綿，魚肉仍帶有濕潤感覺，雖然末至於入口即融既感覺，但係呢個價同出面食既鰻魚飯已經好大分別。加上鰻魚有一定魚脂，吃落去勁香～
燒三文魚頭 $78
呢個同樣一上枱已經聞到勁香，而且魚頭好大添，仲聞到陣陣炭香味！魚肉夠厚又滑，魚肉仲帶點濕潤，我好中意食魚骨位，感覺好多骨膠原又食到炭香。不過有Ｄ位可能用鹽醃得耐，咸左少少，有啲位又無問題既。
燒皇帝蟹膏 $198
呢個真係無得輸，我最中意係呢個。一上枱已經見到有好特別既炭爐燒住，皇帝蟹蓋仲好大個，呢個一黎已經好吸睛。到蟹膏開始有少少滾既狀態，已經可以食，由於好滿既關係，大家記得挖起果陣小心Ｄ，真係一啖都唔好哂左佢，同埋一路燒住都幾熱，大家食果陣記得小心Ｄ！ 另外，蟹膏入面有一絲絲既蟹肉，除左食到軟綿又滑既蟹膏之外，仲吃到有彈性既蟹肉，呢個組合口感好正。同時，皇帝蟹既蟹膏同蟹肉既蟹味好濃郁，蟹味會重過鮮甜味，中意蟹味重Ｄ既你就一定要叫皇帝蟹。
海膽炒飯 $88
海膽都幾新鮮，不論係味道同口感都幾新鮮，唔會太腥，不過就縑佢少左Ｄ，令我好珍而重之咁慢慢食，哈哈。炒飯有一啲配料，例如係蛋、蔥同雜菜粒咁，飯粒都夠爽口，不過就唔夠油份，有少少乾身。
Post
