滿山‧台北

Open Now

Now Closed

嘩！去將軍澳滿山‧台北食台灣菜，你唔試佢哋嘅「醉雞」真係走寶啊！呢道冷盤靚到發光，琥珀色嘅酒凍包住金黃雞皮，未食已經呃like呃到爆一上枱，陣香撲鼻！紹興酒香混住當歸、枸杞嘅藥材味，唔會好濃烈，但係聞到就流口水 夾件厚切雞入口，冰涼涼超爽！夏天食真係透心涼～咬落去先驚喜：雞皮爽彈，雞肉嫩到離譜，完全唔「鞋」！最正係啖啖肉都爆汁 醃得超入味，花雕酒香由頭帶到尾，仲有當歸嘅甘苦、枸杞嘅甜同紅棗香，層次多到數唔晒！酒味夠濃但唔嗆喉，食完個口仲留住淡淡回甘～佢哋嘅秘訣係浸足時間，酒香鑽入每絲雞肉，冰凍口感夾住醇厚酒味，真係一試上癮！無論係開胃前菜，定係配碗熱辣辣滷肉飯，都係絕配. 我覺得值回票價！凍食醉雞好少做到咁入味，呢度絕對係水準之作，台灣控必encore！