瓏門冰室 (Closed)

呢間茶餐廳長期要排隊，但人流去得快，呢次平日晚飯時間等左5分鐘就入得，仲獲安排坐卡位。由於朋友仔好鐘意食雞翼，所以就叫左土匪雞翼同蜜糖雞翼比佢嘆下。土匪雞翼感覺大隻d，而且整得幾惹味，同譚仔有得比。蜜糖雞翼都吾錯，但就無土匪雞翼咁肥美。細食既小朋友應該好鐘意食。食到半途，有姐姐係廚房拎左d羅宋湯出黎問有無食客需要。我地4人拎左兩碗share。味道幾正宗，甜酸辣都平衡得吾錯，仲有好多紅蘿蔔，洋蔥同埋蕃茄。紅豆冰奶茶幾好飲，紅豆煮得夠哂淋，奶茶濃郁，吾會比紅豆搶哂d味。黑松露意粉個黑松露汁好夠味，一d都吾稀。加埋d火腿同洋蔥，口感同味道都幾豐富。芝士焗西蘭花份量多，芝士夠濃厚，西蘭花無雪味，吾錯。Menu好厚，比一般冰室多選擇。下午茶四十蚊有找。