蒜蓉豆豉蒸鰻魚
不時不食，近日係鰻魚最肥美嘅季節，鰻魚啖啖肉，非常新鮮肥美，用蒜蓉豆豉蒸就更加惹味
精美雙拼
兩款涼菜包括紫菜（用咗個酸汁醃製食落非常開胃）及竹筍 （竹筍爽口鮮嫩非常新鮮）
沙茶海鮮鍋
沙茶味湯底，飲落鮮甜充滿海鮮味道，材料包括大蝦、魷魚、特大魚蛋、豆乾、芽菜絲、蜆肉，仲配有油炸鬼用嚟索晒個湯嚟食！
莆田荔枝肉
呢款小菜做法有啲似咕嚕肉，豚肉全是瘦肉，沒有肥肉，外層炸得薄脆，釀入酸甜醬非常開胃，荔枝肉大粒舊鮮甜非常配合
金湯時蔬
金湯浸節瓜，節瓜湯厚肉爽身，帶點點鮮甜，再加上元貝仔，及榨脆咗元貝絲，食落新鮮美味
興化炒米粉
每次嚟都一定會叫呢一個炒米粉，最鍾意去用上幼細嘅米粉，但係炒得非常乾身，配料非常多包括蜆肉、大蝦、紫菜、芹菜、花生、冬菇、聖子及瘦肉等等，加入莆田特製辣醬食份外美味
薄荷枇杷凍
特別鍾意呢個甜品，用上薄荷枇杷膏造成，薄荷冰冰涼涼，食落透心涼，非常舒服
