川流 (Closed)

冬天嚟到一定要去食羊腩煲，市面上都有好多其他唔同餐廳有得食不過，要講得上環境同埋質素都比較上成嘅話一定要過嚟川流。一入到去店員首先會俾咗前菜我哋然後之後就會再比餐牌等我哋一路揀嘢食一路可以食下，另外我哋亦都點左啲飲品。餐牌嘅種類好多，尤其是飲品會有唔同款式嘅酒類。另外亦都會有我最喜歡嘅冷壓果汁。我哋先點左一個幾特別嘅菜式叫做燈影牛肉，見到上網都好多人推介呢個。而呢個牛肉真係幾特別。佢非常之薄，係光線下便可以透到牛肉嘅紋路。另外調味甜甜地，非常開胃。上面亦都會有啲花件喺旁邊令整個晚上冇咁單調。雖然餐牌上面好多嘢食但係我哋最後都係想食羊腩煲，始終可以搵到咁舒服嘅環境，又乾淨衛生去食羊腩煲比較少。我最想食嘅主角羊腩煲終於都嚟咗我嘅面前，一上枱已經聞到都好大嘅麻辣同香料味，唔鍾意食洋蘇味嘅呢一個就啱晒，二入邊仲有好多配料一啲蔬菜。另外店員介紹佢哋特製嘅腐乳醬，配合埋Wasabi真係好好味。尤其是羊肉非常軟林林，兩種口味配埋非常好味。另外每一件羊肉都好大，而且份量幾多，兩三個人食都啱啱好。