日本野 (Closed)

今日喺旺角行街 行得好攰 於是就去食下啦石燒吉列霜降牛小排定食 成餐飯最期待呢味餸 之前喺日本食過一直念念不忘 上菜時嘅牛小扒外面包咗吉列炸皮 但係入面仲係生勾勾 放上石板上面自己控制生熟度 牛扒油花超靚 將佢燒到五成熟 等入面嘅油慢慢溶出 嚟簡直入口即溶 十分推薦呢個定食入面已經包咗一碗飯沙律同埋糖心蛋 溏心蛋整得十分好 蛋黃仲係流心 而且外面仲有淡淡嘅醬油味 用嚟送飯唔錯日本芝士年糕 外面脆身入面係軟糯嘅年糕 再加上香濃嘅芝士喺入面 咬落有爆漿效果 超級滿足 層次感分明朱古力心太軟 心太軟外形十分漂亮 朱古力味濃郁 一切開朱古力流心醬即刻湧出 嚟點上軟綿嘅朱古力蛋糕 簡直絕配