常麵館 (Closed)

午餐同同事去了對面新開的常麵館，這裏主要以車仔麵、咖喱及多款小食為主，下午茶時間$36就有碗三餸麵。韮菜餃、肥牛、魷魚米線蕃茄薯仔洋蔥湯整碗麵最驚喜就是湯底，蕃茄微酸加上洋葱的香甜，而且零味精，飲完都唔會狂飲水，湯底清甜，配上米線吸收湯汁，簡直一流，而水魷新鮮爽口。咖喱牛腩飯馬來咖哩香料味加上椰香，配上炆至入口鬆化的牛腩，送飯真係無得頂。滷水拼盤雞翼、豬腸、牛肚等都炆至入味又腍，尤其是鳳爪及雞翼尖，入口離骨，豬腸洗得乾淨無怪味，滷水汁亦都唔會過咸。天寒地凍再飲返杯熱飲，即刻暖哂。