呢到主打都係食串燒飲啤酒，所以就嗌到食餸飽😆
✨鹽燒厚切牛舌🐮 $68
呢個牛舌真係必點🌟🌟厚切又大件，有口感得黎但又完全唔韌，唔會淨係得孜然味，牛脂分佈唔錯
✨豚肉腐皮卷🐷$48
呢個配搭未試過所以就叫左，一層豚肉包住一層腐皮，夠晒大件，可以自己加啲七味粉食都幾新穎
✨醬燒金菇肥牛卷🍄 $48
啲金菇都幾多，唔似出面嘅金菇肥牛，呢到係增量版。如果多番啲汁會更好，性價比算高
✨車打芝士燒扇貝 （三隻）🧀 $88
扇貝上面加左滿滿芝士粉，唔算大隻，勝在芝士味夠香濃，滋味😋
✨汁燒墨魚咀 🦑 $34
墨魚咀唔算太大粒，有咬口
✨川式脆燒雞軟骨🦴 $28
雞軟骨係食串燒必點嘅一樣！28蚊有兩串，仲係舖頭推介，脆得黎又有肉，惹味
✨燒玉子🍳 $32
都幾滑溜，上面搽左一層蜜糖，偏甜
✨札幌芝麻香燒餃子雞翼🍗 $49
入面包左明太子餡，辣辣地，啖啖肉好正
✨柒·手工啤酒 $78
呢隻啤酒係呢到特有嘅，黎到呢到點可以唔叫粗口啤🤩我就揀左「柒」，帶少少果香甜味，比較適合女仔，容易入口
整體都唔錯，可以有個隱世位黎啤一啤吹下水真係正，仲要係鬧市，旺中帶靜👍🏻👍🏻
