616牛肉火鍋專門店 (白楊街) (Closed)

最近有朋友介紹616有信州牛肉，質素高又抵食，一於放工去試吓。信州牛肉和牛盛有三個部位，仲再送一碟牛肉，好抵。羽下肉同牛胸肉油脂非常豐富，肉質好淋。想食牛味濃啲嘅，可以食澳洲牛頸脊，脂肪少啲，比較有咬口，都唔錯。牛前胸肋我哋都次次order，唔算肥又夠味，推介！今次第一次食牛丸，原來都好正，好大粒好juicy。其他配料選擇唔算多，公仔麵、響鈴、油豆腐串都係必食推介。湯底係沙嗲拼牛骨清湯～滿足大家嘅需要。喺呢度打邊爐真係好抵，下次再食。