棋子燒鵝 (金馬倫道)

Open Now

Now Closed

燒鵝係偶然心血來潮會好想食既野，今日黎開尖沙咀，search下邊度有燒鵝，見棋子又開左新分店，就同朋友入黎試下。叫左個二人餐$248，例牌燒鵝加碟例牌叉燒，又有菜有飯有湯飲，真係好抵先黎叉燒，見佢表面有少少燶邊，肉質半肥瘦，有淋上蜜汁醬油，調味ok，叉燒真係要有肥先正燒鵝皮脆，越嚼越有煙燻味，油香好豐富，越邪惡越滿足，係尖沙咀區黎講，我幾中意呢度既燒鵝，肥膏夠甘香，調味又唔會太重手，保留肉汁。我揀左瀨粉，燒鵝瀨永遠都係絕配。湯底清清地，想解燒鵝既油膩既話就岩哂。不過本人偏愛薑蓉，食燒味要有薑蓉先完美🙊加少少落瀨粉度，鹹香惹味，即時升級老火湯: 花生煲雞腳，足料好夠味，好似屋企煲咁，誠意十足。呢間舖職員好有禮貌，食物水準高，仲要呢個價錢，連碟油菜都係大大碟唔係敷衍你，係尖沙咀黎講真係冇投訴。