添福小食 (Closed)

講到漢堡飽, 永遠只鍾情「港式」- 肉質嫰、有咬口嘅筋肉、肉汁多, 無需太多花巧配菜, “肉”絕對係致勝之處, 鬼佬漢堡乾崢崢真係咪搞我.... 令我開竅嘅係30幾年前 尖沙咀 廣東道 一間快餐店嘅「港式漢堡」, 驚為天人!! 經常特登出 尖沙咀 幫襯佢; 但自佢結束營業之後, 我都“失戀”咗好多年先再發現 紅磡「時新」!「時新」另一出色嘅係特製醬汁, 同港式漢堡好夾! 直到近日先後知後覺自己公司附近竟然有檔咁出色嘅「港式漢堡」- 添福小食!! 雖然普通茄汁醬比唔上「時新」, 但主角嘅牛肉質素有過之而無不及, 肉筋比例更高, 我“飛佛”也!!!生炸雞肶 火候控制恰到好處, 外脆內軟, 唯炸皮之內嘅雞肉略嫌唔夠入味, 如果有淮鹽點吓可能好d?