緣味小聚 (金百利廣場) (Closed)

等咗好耐終於等到銅鑼灣金百利廣場呢間緣味小聚食海鮮套餐，今次嚟到點咗個 海鮮蒸氣鍋，最低只需要$238就可以食到鮑魚同其他新鮮海產😝。燉湯係6小時等完中絕無味精燉湯😆，入面眼見有豬肉雞肉同埋啲菇燉成。個湯唔會見到有油漬，飲落好濃味好鮮甜，飲完仲想飲👍🏻。海鮮有蟶子皇海蝦大中細3款Size既花甲同鮑魚😍。每款都好鮮甜好有海水味，肉身厚實，好有韌勁，而且無論花甲定蟶子都好用心洗得好乾淨，完全冇沙 😋。另外仲有手切肥牛，好特別既食法😗，食肥牛竟然唔係放落水入面淥，而係隔水蒸熟，煮法新穎得嚟食落又唔差喎👍🏻。最後仲有八寶蒸飯，自選8款菜蒸20分鐘就可以食，有勁多選擇，有臘腸排骨牛肉榨菜冬菇粒等😂。今餐好滿足呀，去到最後，甘大食既小編我都食唔曬，頂住個大肚腩返屋企😝。