入到餐廳，感覺充滿大自然氣息，環境舒適，裝修優雅，可以慢慢享受新加坡美食，好似國外度假一樣！
菜式方面，除咗有被譽為海南雞始祖之外，亦有一系列新加坡地道菜，款式很不錯。
1
文華海南雞飯 $148
海南雞飯嘅雞肉鮮嫩，皮薄爽滑，雞肉味道濃郁仲去咗骨，油飯用濃雞湯浸過同埋香料烹煮，啖啖飯粒都香氣十足。另外配備三色醬，用上新加坡出品嘅自家製辣椒醬、薑蓉和黑醬油，以及清雞湯，鮮甜可口。
迷你招牌蝦喇沙 $89
呢款特色下午茶嘅迷你招牌蝦喇沙，喇沙好感受到地道新加坡菜色，依度嘅喇沙好足料，當中有鮮蝦、豆卜、魚片、雞蛋、芽菜、蝦乾等，湯頭金黃色，賣相好搶眼，椰香味非常濃，微辣好開胃，米線吸咗湯汁，真的很好味。
炸素春卷
特色下午茶配小食一款，春卷炸至金黃香脆，包著鮮爽蔬菜，食起來沒油膩感。
餐飲配熱鮮磨咖啡及錫蘭奶茶，散發淡淡咖啡味，甘香醇厚；錫蘭奶茶，口感幼滑，茶與奶調配剛好，不錯。
