入到餐廳，感覺充滿大自然氣息，環境舒適，裝修優雅，可以嘆住新加坡美食，好似去咗國外度假一樣！
菜式方面，除咗有被譽為海南雞始祖之外，仲有一系列新加坡地道菜，另增設有香港限定甜品供應。
6
文華海南雞飯
雞肉鮮嫩，皮薄爽滑，雞肉味道濃郁仲去咗骨，油飯用濃雞湯浸過同埋香料烹煮，啖啖飯粒都香氣十足。另外配備三色醬，用上新加坡出品嘅自家製辣椒醬、薑蓉和黑醬油，以及豆腐雞湯，清甜可口。
特色下午茶
迷你招牌蝦喇沙，覺得喇沙係好感受到地道新加坡菜色，依度嘅喇沙好足料，當中有鮮蝦、豆卜、魚片、雞蛋、芽菜、紫洋蔥、蝦乾等等，湯頭金黃色，賣相好搶眼，椰香味非常濃，帶少少辣，好開胃，米線吸收咗湯汁，真的很好味。
咖央多士
多士有厚度嘅牛油，斑蘭咖央醬甜甜地，甜度啱啱好，帶點椰香味，多士烘得鬆脆，有脆薄嘅口感。
餐飲加$揀選檸檬薏米水，清香嘅檸檬與薏米很配，雖然沒有甜味， 但口感清新，潤喉解喝。
凍檸檬茶，茶底清徹，檸檬鮮香，冰冰涼涼，爽！
