La Bons Cafe (Closed)

第一次黎呢間餐廳, 佢樓底好高, 比人感覺好寬敞, 米白色牆身冇咩裝修, 不過感覺舒服。本身睇左呢度既食評都係為左個心太軟而黎, 所以對主菜唔係好大期望。我地點左2個pasta, 2個risotto, 一個steak, 一個salad, 甜品就梗係心太軟啦。我地點既全部都係係menu上有笑笑口既set。pasta: (pasta好味過risotto)墨汁帶子pasta真係唔錯, 佢有cheese但係份量配合得幾好, 味道good!另一個唔記得左叫咩名, 係有少辣既pasta, 第一樣我就試食佢, 都覺得ok, 但試埋個墨汁帶子pasta就已經唔想再食番呢個少辣pasta喇。risotto:其實我好怕食意大利飯, 因為以前係中環果邊試過好幾間, 一係都勁濕, 一係就啖啖cheese勁濟。 呢度d risotto 唔算濕, cheese既份量配合得唔錯, 味道都適合香港人口味。點左2個risotto都唔算特別, 味道ok啦。略縑個鵝肝燶左小小。steak: 普通得很desert: 心太軟~ 勁好味! 咁好味先係賣$20 超抵食! 一定要試!