忠記咖啡屋‧私房菜 (Closed)

大伯生日，老人家嗜中菜，我地就帶咗佢去忠記私房菜慶祝！私房菜位於渣甸中心，星期六未夠七點已經滿一半客人，基本上唔訂位都冇得食！餐牌嘅菜式極多，煎炒煮炸煲乜都有！我地四個人就點咗四個餸！椒鹽黃金豆腐 - 呢個豆腐外脆內軟，又夠惹味，粒粒飽滿，正！芥末蒜泥牛脷 - 平時食飯去叫牛脷，通過得好少，不過呢度唔同，勁足料，芥末出其地夾，又刺激，加埋蒜香食，好正喔！粟米黃金斑塊 - 呢個唔係平時碟頭飯嗰啲斑塊，係符合商品說明條例嘅斑塊粟米汁好清香，斑塊炸到好脆，簡直唔平凡，係好好味！竹笙羅漢上素 - 食得太多肉，係時候要食返啲菜，呢個上素有我最鍾意嘅竹笙，又唔會太寡冇味，值得大家一試㗎！食物嘅價錢真係好抵，仲要喺銅鑼灣，食物質素同大酒樓冇分別，推薦！私房菜真係一個好地方！