一線之緣 (Closed)

朋友介紹呢間米線有巨無霸桶蠔湯飯，我呢啲咁為食既緊係要去會一會「全桶」桶蠔泡飯吧！個飯一黎到「哇」左一聲，真係用打邊爐既靚桶蠔，出面街市賣最平都$88，正常都要$98，其實$128既泡飯真係差不多。個湯比較淡，所以食到每一隻蠔既鮮味，仲要係啖啖肉，真係好滿足❤️我朋友叫左安格斯牛肉米線，雖然啲湯唔係好熱去浸熟啲牛，但食得出牛既鮮味同無雪味！呢道啲米線好似特別滑同軟身，配菜仲有菜、菇、芽菜、腐竹同肉燥，就算唔叫餸都好豐富！個牛筋丸好有潮州粥麵店既感覺同味道，我朋友食到唔停口😏係爽口彈牙的！我自己就叫左鹵水元蹄，真係超入味！仲要切到厚薄度一致，加埋潮州醋真係好滋味！最後杯龍風七喜，勁啦！都係加$14就咁大大大杯😂我個杯薄荷青檸就有啲似 mocktail ，涼涼地酸酸地又有甜味，好得意。