天勝

Open Now

Now Closed

今晚同女朋友去食好嘢，就梗係港女最愛嘅日本菜喇。仲以為位於銅鑼灣嘅天勝係超級貴，但原來價錢又 ok 喎。厚燒玉子 ($40)即叫即燒嘅玉子上枱時熱辣辣，好厚身夠晒口感。甜蛋都幾甜，蛋味濃郁，嚟到一定要嗌。牛肉豆腐鍋 ($98)呢個鍋都好豐富，有牛肉、豆腐、大葱、冬菇、金菇同蔬菜。啲牛肉真心好入味，一啲都唔韌。可惜無飯餸好似差咁啲咁。蟹肉滑蛋湯飯 ($130)唯有嗌個飯嘅頂下肚。呢個賣相就無咁吸引喇，但我就好鐘意食泡飯嘅，濕濕地好易入口。有蟹肉、滑蛋、菇撈湯飯，好味又飽肚。