WARM BREAD

📍西貢都有唔少Cafe ，但係呢一間係會令我念念不忘。已經係第二次到訪，嚟到西貢就真係會諗起佢哋嘅南瓜海鮮濃湯。小店木系嘅設計，陽光灑入去，令人有溫暖嘅感覺，食完佢哋嘅出品的確係飽。店如其名 — 溫 飽


南瓜海鮮濃湯配香烤酸種麵包 $148
海鮮湯飲落非常濃郁 ，飲落有濃濃嘅蝦味，同時飲到南瓜蓉嘅香甜，蝦味同南瓜取得好好嘅平衡。亦都有配搭上酸忌廉 ，飲完原本嘅味道，可以撈勻落個湯到，減低整體膩感。自家制酸種麵包沾上濃湯，酸種的麵包吸滿了濃湯，食落大大滿足感。麵包酸味頗突出，外殼烤得硬脆，內面依然帶有半軟身。呢個配搭食完之後，飽腹感滿分！


大啡菇牛油果Bagel $88
有大啡菇、半隻牛油果、自家醃製洋蔥、蕃茄、沙律菜、堅果碎。大啡菇咬落多汁，牛油果軟滑。洋蔥、蕃茄減低牛油果油膩感。但食落比較論盡，好難一次過食晒咁多種配料。

南瓜海鮮濃湯配香烤酸種麵包

$138

1

大啡菇牛油果貝果

$88