Video
Read full review
2020-05-21
26 views
今日突然間有點心cravings 上OpenRice睇左一下 有間幾有創意同得意嘅點心店喺附近 就去試吓啦🤡果然同大家影嗰啲相係一樣嘅😂 全間店都比鴨仔包圍着 以為自己入咗動物園😂😂 同啲鴨仔撐枱腳🤪韭菜豬紅 $28估唔到點心店竟然有韭菜豬紅 呢個係我小食類嘅最愛之一 本身真係冇乜期待 但係！but！重點係 真係10分驚喜！ 豬紅好嫩好滑 呢個好關乎煮既時間 一不小心真係會煮到好煙銀 咁樣食落真係好奇怪😂 值得一提嘅係期嘅醬汁 睇過啲人既feedback 都話佢嘅醬汁係唔錯嘅 果然係真！ 韭菜咬落仲係好爽口 睇得出係新鮮菜！奶皇包$28請睇相片 外觀真係冇得輸 得意到爆 見到隔離枱嗰兩個女仔不停影🙂 其實好想提吓佢不如趁熱食 因為一上枱嘅時候即刻食係唔同啲 個包好鬆軟 入邊嘅奶黃真係加咗蛋黃 creamy 又有真正流沙嘅感覺😍😍😍 貨真價實 okay 最後我食完佢地都未影完😅😅 鳳爪排骨$28 呢啲例牌野 呢單煮得好淋 好軟 但又唔係淋pat pat嗰種 每一隻雞腳都好大舊 份量好足👍🏻👍🏻 山竹牛肉球$28平時我都係唔會帶呢個點心 但係
果然同大家影嗰啲相係一樣嘅😂 全間店都比鴨仔包圍着 以為自己入咗動物園😂😂 同啲鴨仔撐枱腳🤪
韭菜豬紅 $28
估唔到點心店竟然有韭菜豬紅 呢個係我小食類嘅最愛之一 本身真係冇乜期待 但係！but！重點係 真係10分驚喜！ 豬紅好嫩好滑 呢個好關乎煮既時間 一不小心真係會煮到好煙銀 咁樣食落真係好奇怪😂 值得一提嘅係期嘅醬汁 睇過啲人既feedback 都話佢嘅醬汁係唔錯嘅 果然係真！ 韭菜咬落仲係好爽口 睇得出係新鮮菜！
奶皇包$28
請睇相片 外觀真係冇得輸 得意到爆 見到隔離枱嗰兩個女仔不停影🙂 其實好想提吓佢不如趁熱食 因為一上枱嘅時候即刻食係唔同啲 個包好鬆軟 入邊嘅奶黃真係加咗蛋黃 creamy 又有真正流沙嘅感覺😍😍😍 貨真價實 okay 最後我食完佢地都未影完😅😅 鳳爪排骨$28
呢啲例牌野 呢單煮得好淋 好軟 但又唔係淋pat pat嗰種 每一隻雞腳都好大舊 份量好足👍🏻👍🏻 山竹牛肉球$28
平時我都係唔會帶呢個點心 但係男朋友好鍾意食 我見其他餸都好好味咁 就都試咗一啖呢個牛肉球 又係驚喜嘅感覺！😻😻咬咗一細啖已經食到牛肉嘅鮮味 呢個有啲唔同佢係佢哋加足馬蹄 同芫荽 完全釣到個味 最後食晒成粒 食完唔會覺得好制嘅感覺 口齒留香👏🏻👏🏻 薑蔥牛柏葉$28
一上枱就要快啲熱辣辣食咗佢！唔好等！唔好停！大概三啖左右我就清晒😹 因為太好味😹😹😹 留咗幾條姜糸俾男朋友😹😹😹牛柏葉係爽口嘅 底下見到有薑絲蘿蔔 芫荽配料十足👍🏻 鮮蝦春卷$28
呢個真係必嗌!! 層皮好薄好薄 但係入邊啲料好充實 新鮮炸完就上枱 點少少醋 加少少辣椒油 一啖咬落去 真係會自動地擘大眼 入邊嘅蝦，菜料好多 皮好脆 Total有四舊 我自己清左三舊😹
蓮蓉包
個人真係唔太喜好蓮蓉 所以食咗一啖當俾吓面男朋友 俾唔到啲咩評論🤡
職員同我哋講一定要試吓佢哋嘅滷水野 但是幫我哋兩個人食已經嗌左好多 最後都想試埋 叫咗車仔麵嘅淨送三款
滷水雞翼 滷水豬大腸 咖喱魷魚
咖喱魷魚 係我最近喺點心店度食過最好味嘅！冇誇張！即使好飽好飽但我都食晒！ 魷魚咬落好彈牙唔係死咖喱味 唔係化學味 滷水雞翼係真係掂嘅 滷水汁滲入雞翼肉入邊 以為咁樣煮得太來啲雞翼應該會好乾爭爭 出乎意料地 好嫩滑
總括而言: 好食到辣椒油俾我清左五碟 真係有啲唔好意思 但係一定會再去！❤️
Post
