一喜燒 (Closed)

心血來潮想食串燒，知道附近新開咗間串燒店，第一時間就諗起佢。點知一去到就見到門口已經人頭湧湧，由於太肚餓嘅關係，唯有等外賣🥡麻辣小龍蝦🦞蝦肉彈滑，而且非常入味，夠麻夠爽，必食！燒雞泡魚乾🐡煙煙韌韌，加埋沙律醬好有居酒屋風味🏮食完一條接一條！蒜香生燒活元貝🦪個裙邊特別爽口，新鮮惹味又唔貴，忍唔住要encore！招牌燒特大虎蝦🦐超級大隻厚肉，蝦身佈滿鹽粒帶鹹香，令鮮味昇華！燒菠蘿🍍燒至微焦，增添咗陣陣焦糖香氣，比普通就咁菠蘿更香甜！呢度嘅串燒無overcooked嘅問題，又唔會淨係一味落重調味料同味精🤩 埋單三百幾咋，呢個價錢有咁嘅質素同份量，真心抵食！