Video
Read full review
2024-06-02
12 views
星期五難得早收工唔想走咁遠又係尖沙咀食飯🫣行咗嚟平時食lunch少嚟嘅海防道附近，見到呢間車仔麵都幾多人即管就試吓啦！因為咩都想試我同朋友決定share一碗10餸麵，入面有咖喱魚蛋、豬皮、蘿蔔、豆卜、雞翼、腩片、豬大腸、牛丸同冬菇等等超超超大碗！而且啲餸全部都好大件又入味，正！之後仲叫咗幾個小食，包括滷水拼盤、金沙脆牛腩、腐乳通菜同埋鳳爪。小食方面滷水拼盤同埋金沙牛腩都係必食推介，啲滷水好入味而且好足料價錢亦都好抵食。金沙牛腩更加係令人食過翻尋味，咸香嘅金沙外脆內軟，香脆隔離入邊嘅牛腩又唔會太過老，我自己差唔多食晒成碟🫣不過兩個人始終眼闊肚窄最後鳳爪同埋滷水拼盤都要打包，但係第一次食車仔麵都要打包拎走，呢度嘅性價比真係非常之高，下次要過嚟試吓食lunch先得！
因為咩都想試我同朋友決定share一碗10餸麵，入面有咖喱魚蛋、豬皮、蘿蔔、豆卜、雞翼、腩片、豬大腸、牛丸同冬菇等等
超超超大碗！而且啲餸全部都好大件又入味，正！
之後仲叫咗幾個小食，包括滷水拼盤、金沙脆牛腩、腐乳通菜同埋鳳爪。
小食方面滷水拼盤同埋金沙牛腩都係必食推介，啲滷水好入味而且好足料價錢亦都好抵食。金沙牛腩更加係令人食過翻尋味，咸香嘅金沙外脆內軟，香脆隔離入邊嘅牛腩又唔會太過老，我自己差唔多食晒成碟🫣
不過兩個人始終眼闊肚窄最後鳳爪同埋滷水拼盤都要打包，但係第一次食車仔麵都要打包拎走，呢度嘅性價比真係非常之高，下次要過嚟試吓食lunch先得！
Post
