裝潢幾文青同舒服的感覺
所以就決定一試
一望個menu, fusion菜
因為唔係太肚餓既關係
決定一個飯再叫2個小食
小食叫左個 三級風暴薯條 同埋 特色炸雞翼 (避風塘)
再叫左個片皮鴨醬鴨意大利飯
再叫兩杯香蕉奶昔 Perfect!
個三級風暴薯條比我想像中多
佢配左3款醬 分別係藍芝士 明太子同埋黑松露
我朋友就唔係好頂得順藍芝士
但係芝士控既我就真心覺得好正
加上其實好少餐廳會有藍芝士醬 所以芝士控值得一試
而避風塘特色炸雞翼
外面脆 亦無想像中辣
因為避風塘雞翼係其他店試過 所以未至於好驚喜
最後片皮鴨醬鴨意大利飯
鴨肉好味的 意大利飯亦都夠軟夠好味
而兩者加埋 無我想像中咁配合
亦無驚為天人既感覺
呢碟令我諗起 一間連鎖店的片皮鴨Pizza
雖然無特別喜愛 但係試一試都覺得值得的
