一刻館讚岐烏冬拉麵 (Closed)

少少背景：今日同屋企人又黎食，”紅燒牛肋肉烏冬”一向都係屋企人致愛。之前兩次都冇得嗌，今日朝早特登打去問有冇，店主話：有，唔洗留。到夜晚去到，突然見到門口寫話休息，但鋪頭有開 裡面冇客，問多兩句原來廚師臨時有事要早走，都明白嘅。咁就講翻今朝打黎問牛肉麵，如果留左就cancel翻。店主突然話：佢都係等緊我地！整埋比我地就正式收鋪。係覺得幾有愛好感動入正題，叫左2個餐紅燒牛肋肉烏冬牛肋肉夠淋身，唔老，一啲都冇痴牙。湯底夠濃郁，帶小小辣。烏冬夠彈牙！每次屋企人都必點！吉列炸蝦烏冬烏冬好彈牙，湯底夠熱。最抵讚係個吉列炸蝦，夠鬆化，冇多餘粉漿。好味道，最尾連湯都飲埋！小提示：店內冇太多位置，而且因爲做街坊生意，有機會要預留定四人枱。因此有機會要搭枱。