今次叫咗蠔仔方魚肉碎粥、汕頭煎蠔烙、滷水鵝片，仲有買二送二嘅 蒜蓉粉絲蒸元貝皇。
蠔仔粥粥底唔會太稀，最緊要蠔仔份量足又冇腥味，入口好鮮甜，加埋魚乾更有風味，天氣凍食一碗好暖胃。份量多，夠2-3人share，抵食～
蠔烙炸得幾乾身，外脆內軟，粉皮唔太厚，食落有蠔香又唔覺得好油，蠔仔份量夠多。
滷水鵝片非常滿意，鵝肉滷得幾入味，厚切鵝片肉質軟腍得黎有咬口，油脂感啱啱好，唔覺膩。同碟嘅滷水豆腐非常入味但仲保持到滑滑哋嘅口感，一啖鵝肉一啖豆腐幾滿足。
元貝方面，買二送二價錢好吸引，元貝鮮甜，口感夠晒彈牙，火候掌握得幾好， 配搭蒜蓉同粉絲喺絕配，吸收晒啲精華好入味。
喺大角咀想搵間實而不華嘅潮州小店，絕對推介呢間～
