九份•十分 (河畔花園) (Closed)

今日早左少少食晚飯，大約6點到就去食，唔洗等位😆😆一打開menu, 第一下感覺，咁似茶木既！但選擇比茶木多好多。d野飲好有特色！本身想嗌牛肉麵試下，但見到隔離枱嗌左蚵仔泡飯好吸引，結果轉軚叫左泡飯😂佢d料真係好夠！佢落埋蜆肉架！佢d蚵仔，應該都有十幾粒，起碼我每一小碗都有幾舊蚵仔🤣🤣而且d蚵仔一d都唔腥。佢仲會俾少少玄米（？）我地，加埋落d泡飯一齊食。成件事正好多😍兩種米咁一齊食，成個泡飯香左好多，味道豐富左！我地仲叫左個沙律食🥗鮮果大蝦沙律。大蝦好彈牙！爽口！個奇異果甜到不得之了🥝🥝🥝🤤🤤下面主要係d沙律菜，份量都好夠！本身想同男朋友一人一邊，見餐牌影得靚靚，半邊蛋咁影出黎，誤會左佢一隻既意思。所以嗌左2隻，黎到就有4隻半邊蛋😂不過，係好食既！好流心🤤🤤同埋有淡淡酒味，好夾❤️佢d野飲真係款款都好吸引！花多眼亂呀真係！最後要左個乳酪野莓沙冰。味道好夠，唔會因為係沙冰就淡茂茂，但咁凍既天氣飲，真係凍死人啦😂😂食飽飽，7點鬆d，d位滿晒要等位啦！好在早d去食咋😛😛