禾璽牛肉海鮮火鍋

Open Now

Now Closed

香港人最愛打邊爐就係人都知，今日嚟咗依間赫德道嘅禾壐牛肉海鮮火鍋，試吓正唔正先！同朋友點咗滋補嘅金湯花膠雞湯底，冇諗到上枱會有咁大盤鮮雞件，我諗兩個人以上都一定夠食😆金湯花膠雞湯底湯底有好多唔同菇菌類，仲有唔少嘅花膠，齋飲落已經非常鮮甜，將啲雞件倒入去煲一煲，湯嘅甜味就更加突出。高鈣羊肉(大份)呢個羊肉不愧為高鈣，食落羊味充足，完全唔羶，係少有香港火鍋店食到冇羊羶味嘅羊肉！吊龍(大份)吊龍牛肉切得靚仔，牛肉色澤紅潤，夠哂新鮮，只需淥幾秒就食得，食落口感啱啱好，牛味香得嚟，食多幾塊唔會膩。招牌脆皮雞一盤呢嗰脆皮雞食落口感有啲脆，原來係連筋同少少軟骨一齊薄切，上枱前已經有葱薑麻油調味，招牌配料係幾特別。小酥肉呢個係少數即叫即炸小酥肉，又香又脆，發現濕落火鍋滾一滾，口感會更好，沾上辣椒粉食一流！手打牛肉丸我個人十分滿意呢個手打牛丸，咬落爽彈，唔會有粉感，牛脂從牛丸滲出，越食越香。娃娃菜打邊爐必點吸湯之選，清甜可口。