見到呢間都坐滿哂人 又有好多人買外賣
咁岩有人食完有兩個位我地即刻入去試下先😆
泰式火山排骨($108)
一堆排骨排到好似成座山咁
第一眼望落去個擺位已經覺得佢好特別
有十五十六猶豫要不要試下佢好😂
結果呢個菜式完全冇令我地後悔
味道仲要係超級驚喜！😍
排骨炆到岩岩好 骨肉好易分離 而且啲肉超嫩同超腍！
醬汁好似由香茅、青檸、乾蔥煮成
酸酸辣辣同時又有青檸香茅既草青味
食落非常青新又惹味🤩
我地食每一啖都會點好多醬汁一齊食😝
串燒沙嗲($78半打，豬雞各一半)
沙嗲味香濃少少甜 仲有粒粒花生
一放落黎已經香氣撲鼻😆
雞肉肉質嫩滑 豬肉肉質相對結實
辣椒膏蝦頭油海鮮炒飯($68)
炒飯粒粒分明 配料有蟹柳、蝦、帶子、魷魚
辣椒味非常香口 辣度中等🌶🌶
蝦頭油既蝦味非常濃郁 但唔會太油
辣辣鹹鹹咁好惹味😋😋
椰青($38)
椰青超級清甜🌱
椰肉非常軟腍，口感好似果凍咁，超級清甜😍
食完飯再食埋椰肉好滿足😚
