Video
Read full review
2021-11-21
729 views
屋企人生日最鍾意食中菜, 呢間新派中菜餐廳位於銅鑼灣Hysan12樓真係好方便, 一出地鐵站就到, 帶老人家黎唔怕揾唔到。我地有5個人一共叫左11個菜色, 介紹下先:陳醋珊瑚海蜇頭 $88前菜陳醋海蜇頭, 陳醋味好濃，配合海蜇頭口感酸甜爽脆，非常開胃。冰鎮鮮菠蘿咕嚕肉 $138 呢度菜睇得又好味, 首先整個菠蘿放係d煙上面已經好吸睛，打卡一流, 呢個係我其中一個最愛的菜色😍。而咕嚕肉炸皮都好薄, 外脆內軟加上酸甜醬, 食落肉質新鮮又有咬口, 睇落份量好似不多, 但食下食下都好多件。 小肥腿 (脆皮鹹豬手) $188原件脆皮豬手連薯條，有d似德國餐廳的豬手，好大份！個皮勁脆，肉就唔太干，太多肉最後要打包走！伴碟有厚切薯條，有西餐的水準，呢道菜係有驚喜🤩！蔥爆藕帶安格斯牛柳粒 $118牛柳粒有牛味，焗甜薯都夠香脆，不過牛柳粒好多肥膏。石鍋鮑魚炆雞 $138成個石鍋上，雞肉大件仲好入味。鮑魚仔雖然細粒，不過都有好多件，個菜式都算好足料。名館厚切叉燒皇 $88一碟有6件，件件都咁厚身, 唔算好肥，但食落肉軟好嫩好軟，加埋蜜汁一流，正！欖菜肉崧炒四季豆 $88欖菜四季豆炒得好香, 加上有少少
陳醋珊瑚海蜇頭 $88
前菜陳醋海蜇頭, 陳醋味好濃，配合海蜇頭口感酸甜爽脆，非常開胃。
冰鎮鮮菠蘿咕嚕肉 $138
呢度菜睇得又好味, 首先整個菠蘿放係d煙上面已經好吸睛，打卡一流, 呢個係我其中一個最愛的菜色😍。而咕嚕肉炸皮都好薄, 外脆內軟加上酸甜醬, 食落肉質新鮮又有咬口, 睇落份量好似不多, 但食下食下都好多件。
小肥腿 (脆皮鹹豬手) $188
原件脆皮豬手連薯條，有d似德國餐廳的豬手，好大份！個皮勁脆，肉就唔太干，太多肉最後要打包走！伴碟有厚切薯條，有西餐的水準，呢道菜係有驚喜🤩！
蔥爆藕帶安格斯牛柳粒 $118
牛柳粒有牛味，焗甜薯都夠香脆，不過牛柳粒好多肥膏。
石鍋鮑魚炆雞 $138
成個石鍋上，雞肉大件仲好入味。鮑魚仔雖然細粒，不過都有好多件，個菜式都算好足料。
名館厚切叉燒皇 $88
一碟有6件，件件都咁厚身, 唔算好肥，但食落肉軟好嫩好軟，加埋蜜汁一流，正！
欖菜肉崧炒四季豆 $88
欖菜四季豆炒得好香, 加上有少少辣椒令成個菜都好惹味, 非常適合送飯食。
金銀蒜銀魚蒸娃娃菜 $68
蒜蒸娃娃菜 ，特別香口, 不過份量就偏細。
點心類:
流心鵪鶉蛋燒賣 $48
鵪鶉蛋是釀在燒賣裡，食落唔覺太邪惡，仲好懷舊，值得一讚！
太極馬拉糕 $48
馬拉糕就食得多, 太極馬拉比較少見, 一半係原味, 一半係芝麻味。 雖然芝麻味唔係好突出, 不過餐廳會整呢款複習的馬拉糕都睇得出好有心思同誠意, 值得Encore.
精緻點心拼盤 $128
大良牛奶一口酥：呢個炸牛奶外脆內綿， 牛奶味都好重，真係好耐冇食過。
蝦餃皇：外皮唔算好薄，都幾煙靱不過唔chi牙，荀尖同蝦肉都好新鮮彈牙。
金箔潮州粉果：外皮好薄，餡料豐富，有滿滿的沙葛，竹笙，芫茜，係我最愛之一。
宮廷杞子笑：外型好靚，好似粒荔枝，咬開仲有金黃色嘅奶黃豆沙流出黎，不過唔夠熱。
天鵝酥：天鵝造型可愛，酥皮香口有層次配埋紫薯蓉，食落味道好match.
整體嚟講: 食物選擇好多，質素都幾好，份量好足，服務態度都好好，推薦再食的一間！
Post
