Video
Read full review
2019-10-13
73 views
之前返工去太子食晏見過呢間舖頭，個裝修幾中式幾得意，但未開門。呢日同呀媽去深水埗太子中間位置買完嘢，時間都唔早，要食晚飯了，但又唔係好肚餓，見到呢間舖有開，又係賣小食嗰啲，就一於試下。小店今日開我先發現原來舖位係廚房嚟，堂食就係出面啲枱仔。好彩天氣唔係太熱同無落雨🌧，但其實後者都唔驚嘅，因為有瓦遮頭。一坐低店員就好積極介紹下有乜好食，佢話點餐紙上有啲item可能無得賣，叫我睇埋手寫個板就知邊啲有定冇。呢到主要係賣啲四川食品，比較多啲涼拌、麻辣🌶小食同埋餃子🥟，另外仲有糖水賣，啲名都幾特別😂，要靠睇埋佢張介紹先知大約係咩，有乜材料。我哋叫咗3款咸食同2款糖水。🐔秘製醉雞(例牌)($78)，呀媽竟然話想試下醉雞，因為好少食，所以叫咗碟例牌。賣相都唔錯，有隻脾係到。雖然知道係涼拌類，但一食發現勁凍🙈，不過都無咩影響嘅。味道都ok，食到酒味，但唔算濃，肉質唔鞋，可以一試。但份量就比較少，性價比一般。🥚水晶皮蛋($22)，見到呢個有食物圖又置頂應該係推介菜嚟，所以試下。上碟見到好精美，下面墊咗唔少青瓜絲🥒(正)，上面就係一角角皮蛋，鋪咗唔少麻籽辣椒粒咁。食落估計即係口水雞嗰種汁嚟，其實都算辣辣哋
一坐低店員就好積極介紹下有乜好食，佢話點餐紙上有啲item可能無得賣，叫我睇埋手寫個板就知邊啲有定冇。呢到主要係賣啲四川食品，比較多啲涼拌、麻辣🌶小食同埋餃子🥟，另外仲有糖水賣，啲名都幾特別😂，要靠睇埋佢張介紹先知大約係咩，有乜材料。我哋叫咗3款咸食同2款糖水。
🐔秘製醉雞(例牌)($78)，呀媽竟然話想試下醉雞，因為好少食，所以叫咗碟例牌。賣相都唔錯，有隻脾係到。雖然知道係涼拌類，但一食發現勁凍🙈，不過都無咩影響嘅。味道都ok，食到酒味，但唔算濃，肉質唔鞋，可以一試。但份量就比較少，性價比一般。
🥚水晶皮蛋($22)，見到呢個有食物圖又置頂應該係推介菜嚟，所以試下。上碟見到好精美，下面墊咗唔少青瓜絲🥒(正)，上面就係一角角皮蛋，鋪咗唔少麻籽辣椒粒咁。食落估計即係口水雞嗰種汁嚟，其實都算辣辣哋🌶，撥開啲籽勉強接受到個辣度。皮蛋好好味，中間位置係超流心的，外面就比較有咬口同QQ彈牙😋。最特別係佢個皮蛋係黃金透明色㗎！唔係平日見開嗰啲黑色，味道就各有各好各有特色。同店員傾開計發現原來呢隻透明皮蛋係來至四川，而平日黑色嗰種就係廣東，長知識了🙂。
水晶皮蛋
$22
1 views
0 likes
0 comments
🥟煎白菜豬肉餃(6只)($33)，本身想試西洋菜的，但今日無，所以改白菜🥬。我哋都諗咗陣要煎定湯好，最終要咗煎餃，因為驚8只太多。6只餃子整齊排好，配上口水雞個醬，所以好彩叫了醉雞，如果唔係全部同一口味🙈。一食都唔錯喎，雖然餡唔多，但好juicy，個餃皮亦適中無過厚，而且即煎熱辣辣，加分👍。
$33
2 views
0 likes
0 comments
糖水今日得2款，所以叫咗各一試下，啲名真係好頂癮🤩。風花雪月($36)，材料有雪燕、燕碎同北海道3.6牛奶🥛，個樣配合佢個名，白雪雪。味道亦同想像中一樣，好濃奶味，配上大量燕碎，真係每啖都有👍。
$36
1 views
0 likes
0 comments
大展紅桃($32)，材料有桃膠、紅豆、蓮子同果皮，留意返佢唔係紅豆沙嚟，口感比較流質的，好足料有唔少桃膠，亦都食得出有陳皮香味。店員上糖水時有解釋話佢哋係用片糖煲，所以口味較淡，如果有需要，可以幫我哋加糖。但我覺得味道其實清清哋都ok，可解辣解渴，無咁膩👍。
$32
3 views
0 likes
0 comments
總括嚟講，呢間小店賣嘅食物都幾有特色，主打四川小食，唔係周圍都有，味道都唔錯，特別推介水晶皮蛋🤤。糖水我就唔知係咪嚟至四川喇，但都幾特別，而且大大碗，佢比我嘅感覺其實都幾似飲品。食物定價大部分都ok，係雞類我就覺得偏貴咗少少。有機會再經過我會試下窩筍同涼麵。店員廚房樓面一腳踢，但態度都好好，有禮貌又細心☺️，食物亦係用心製作。小店加油💪。
Post
