好燒式串燒專門店 (大南街)

Open Now

Now Closed

店舖晚市都算多人，地方乾淨企理，店員服務態度良好。食物種類都算多，飲品揀咗鮮檸樂➕鹹檸七，好大杯，非常不錯。鹽燒鮑魚好🈶驚喜，燒到好香口，好好味，仲配埋香甜嘅番薯蓉。白汁芝士燒蠔都好正，外層係香濃嘅芝士🧀️，包住嫩滑多汁嘅蠔肉，食落非常可口。串燒叫咗安格斯牛肋串、雞中翼（2隻）、雞腎串、燒雞胸軟骨串、串燒豆腐、魷魚鬚➕多春魚（3條），樣樣都好食，不過我就最鍾意食雞翼同埋魷魚鬚，燒到非常香口，尤其係雞翼，燒到個皮好香脆，肉質好juicy，十分美味。燒雞髀好大塊厚肉，非常抵食。司華力腸唔會燒到好乾，外皮香脆。燒日本芝士年糕有2件，口感香滑。原條蒜蓉燒茄子🍆及韮菜建議加辣食會更惹味。