事關 10月4日 (星期二) 晚，細佬同女朋友去機場間 <板前回転壽司>。
細佬食咗：
刺身 - 包括：三文魚、油甘魚、甜蝦等。
佢女朋友食咗：
三文魚壽司 & 冷烏冬。
細佬第二朝 7:00 起身，打算返公司 OT 完成手頭上文件，肚痛咗成晚！根本瞓唔到！:( 平時佢無肚腩，媽咪見佢胃脹！肚突起些少！:( 於是，媽咪立即帶佢搭的士去急症室！醫生當佢食錯嘢，俾咗腸胃藥。
佢女朋友當晚搭一個鐘巴士返屋企後，胃抽筋！:( 要食胃藥止痛！
細佬話呢度嘅嘢食唔係平！:( 個賣相都 OK ! ( 真對不起！佢無影相！) 點知食完會咁... 真係貼錢買難受！
佢專登打電話叫我打食評告訴大家要小心！:)
亞視有個飲食節目做咗壽司含菌量測試，結果顯示：與板前壽司同屬同一集團嘅板長壽司，三文魚壽司及鰻魚壽司，含大腸桿菌菌量超標多達 12.7 倍！
兩者同時含有沙門氏菌。問你怕未？
測試片段：
http://app2.hkatv.com/v5/video/video.php?id=97448&p=836&cn=
測試結果：
http://app2.hkatv.com/v5/video/video.php?id=97450&p=836&cn=
