係香港唯一既米芝蓮漢堡包店
主打熟成牛肉漢堡
而家執淨一間鰂魚涌
拎必比登推介果間就係灣仔
我地去果間係尖沙咀K11地下外面
當時仲未開放晚市
下午茶時間黎到都係得幾個人
餐牌就好多選擇
1
都叫做有中文字
感覺有d似beef & liberty
不過beef & liberty就想營造一間比較高級既餐廳
而the butchers club就好隨意
餐廳係快餐店形式要出去counter落單既
再由職員送上
基本上全部職員都唔講中文
個腦仲有d問題
點四樣野一共可以搞錯四次
仲話係米芝蓮餐廳
今次又係無試到佢個熟成牛肉
因為見到佢地有龍蝦包好似幾抵食
呢個包叫做2.0
其實我係香港都係第一次食龍蝦包
佢d龍蝦肉竟然係凍既
成個感覺好怪
不過塊本地排包烤到脆脆地就幾好食
手撕豬肉漢堡
入面有洋蔥圈
成個包都幾厚身
薯條有幾款可以揀
揀左最普通既butches fires
就真係好普通
另外要左罐十蚊既可樂
其實除左包貴少少
其他配料價錢同小店都唔差得幾遠
餐廳入面d窗可以打開既
見鬼佬好鍾意坐呢d位比人當動物園咁望
價錢黎講都算係中高位
平均都要成百蚊個包
亦都唔算特別好食
必比登推介既餐廳真係好多都係狗流流
因為無服務所以都係無收加一
可能真係要食番牛肉先真正試到呢間漢堡包店
但呢間同正米芝蓮果間都無可能再試到了
