皇軒私房菜 (Under Renovation)

神秘私房菜。 果然係私房菜，如果唔係有朋友帶路真係唔識得去呀。入到去店子少少，只有四張枱，但係裝修高雅，食具都非常之精緻。我哋一行三人叫咗幾款小菜，試一試私房菜廚師嘅手勢。紅燒乳鴿： 火候烤得剛剛好，外脆內軟，鴿肉非常之嫩滑，食到我哋個個都舔舔脷。辣汁牛𦟌： 辣辣地非常醒胃。 花雕醉雞： 花雕味非常香，雞肉嫩得來非常入味。菠蘿咕嚕肉： 醬汁酸酸甜甜，都係非常之開胃嘅一個小菜，咕嚕肉入味火候夠。 👍🏻 非常滿意！