二鍋頭 (嘉芙中心)

Open Now

Now Closed

二鍋頭喺尖沙咀開咗新嘅分店，我同朋友二話不說就要去捧下場，新店環境好闊落，座位舒適，乾淨企理。我同朋友係揀咗佢嘅招牌雞煲，雞件夠多，醬汁惹味，食過返尋味！點菜紙上面仲有得揀要唔要鳳爪，非常之貼心。食完第一轉雞其實已經好夠飽，因為雞件嘅肉都非常之多，唔係剩係得骨。蔬菜等配料都係放喺出面雪櫃比客人自己拎，種類非常之多，單單係菜都已經有超過10款，仲有唔同嘅丸類俾客人揀，而且份量都好足夠。醬料區方面除咗有一般打邊爐唔少得嘅醬汁之外，仲有生雞蛋比客人拎嚟混合醬汁，呢個係難得少有。仲有響鈴同埋魚皮，睇得出真係新鮮的炸起,抵讚!今次揀咗滋補藥膳湯底,湯頭十分清甜,唔鍾意食太濃味嘅朋友就最適合試吓呢個湯底啦,火鍋配料種類十分多而且新鮮，真係好值得下次再嚟幫襯。呢度嘅飲品雪糕雪條都係任食，令我同朋友都食得好滿足！