鴻興海鮮燒鵝食家

Open Now

Now Closed

餐廳主打燒鵝、海鮮，不過今次選擇食小菜。小菜價錢由$58至$108不等，海鮮就睇時價，平時去尼間餐廳食，聖子扇貝大約$38一隻，好肥美大隻鮮甜。叫左5個小菜，一支啤酒($29)。沙嗲粉絲肥牛煲($68)，好多肥牛，配上菠蘿，椒，粉絲洋蔥炒香。沙嗲汁食落唔會太濃，而且食完唔會口乾。份量好多，而且價錢唔貴，平時出面叫，貴d又冇咁多肥牛。香檳醬燒骨($58)，甜甜地既醬，燒骨唔會骨大少肉，每舊都有骨，而且燒得幾香口，重點係一碟有成9件左右。燒鵝例牌($70)，塊皮燒得好脆，鵝油香味一啖即爆汁，d肉唔會好"鞋"and乾，今次食好似特別多。咖哩雞煲($60)，尼個係雞連骨，唔係雞柳，個人覺得雞連骨好食過雞柳，但如果去東南亞餐廳，個人會鍾意雞柳多d，因為要包住d印度烤餅一齊食。材料另外有薯仔，椒，洋蔥。咖哩汁唔係辣既，雞煮得入味，至少有10幾件大大件雞，而且其他配料都多。椒鹽白飯魚($58)，下酒小食，脆脆地，唔會太多炸粉，不過少左dd，但送酒一流。5個人食家常小菜，而且價錢唔貴，仲要夠飽，食物質素好，不過可能其他人會覺得餐廳環境一般般，不過個人接受到尼種大排檔。餐廳其實由幾間地下鋪組成，有室內外