Video
Read full review
2006-08-30
163 views
土瓜灣上的冰室,除廣為人知的白宮外,在炮仗街,仲有間永香冰室.在牛棚附近,木廠街一帶的"十三街",亦有零星一間半間.永香的足跡,比白宮更早踏足,初搬到此區之時,已經光顧.不過多年來,只係去過數遍.點解?雖然係同區,不過唔算就腳,冰室即係冰室,只得多士,三文治,同通粉,麵供應.單係杯奶茶,沒有白宮的香滑.味道更淡.腿通粉即叫,慢慢整,唔會刻意整定一兜通粉備用.這才是冰室的風格,唔等得大可去茶記快餐店.有一味窩蛋多士,外面已無咩地方有得吃,其實.只係將隻荷包蛋放在多士上而已.荷包蛋煎到邊位微焦,蛋白略略起泡.你同我都做到.此等冰室,食物不算上乘,但作為香港人.這些古董好應該與灣仔藍屋綠屋相同待遇.以免在這個時間巨輪上消失.PS:日前在"高朋滿座",有一幕阿旦同伍姑娘帶高b去白宮冰室,誰知高b嫌老土.去冰室,一點也不老土.古老當時興,一向是定律.君不見近年好多Vintage的人和事,開始抬頭.即係你去卡拉OK唱側田,未必引起共鳴,但當唱熱力節拍Woo Boom Ba時,一定會萬人大合唱.死未?係我地同時下年青人脫節?定係班年青人唔識貨?
永香的足跡,比白宮更早踏足,初搬到此區之時,已經光顧.不過多年來,只係去過數遍.點解?雖然係同區,不過唔算就腳,冰室即係冰室,只得多士,三文治,同通粉,麵供應.
單係杯奶茶,沒有白宮的香滑.味道更淡.腿通粉即叫,慢慢整,唔會刻意整定一兜通粉備用.這才是冰室的風格,唔等得大可去茶記快餐店.
有一味窩蛋多士,外面已無咩地方有得吃,其實.只係將隻荷包蛋放在多士上而已.荷包蛋煎到邊位微焦,蛋白略略起泡.你同我都做到.
此等冰室,食物不算上乘,但作為香港人.這些古董好應該與灣仔藍屋綠屋相同待遇.以免在這個時間巨輪上消失.
PS:日前在"高朋滿座",有一幕阿旦同伍姑娘帶高b去白宮冰室,誰知高b嫌老土.去冰室,一點也不老土.古老當時興,一向是定律.君不見近年好多Vintage的人和事,開始抬頭.即係你去卡拉OK唱側田,未必引起共鳴,但當唱熱力節拍Woo Boom Ba時,一定會萬人大合唱.死未?
係我地同時下年青人脫節?定係班年青人唔識貨?
Post
