咁啱約咗朋友喺荃灣西等，食個晚飯後再去附近商場行街，成日冇食過野嘅小弟諗住食啲香口野，最好當然啖啖肉可以大快朵頤。
一出港鐵站行到去如心廣場嗰邊，望一望個商場水牌搵嘢食，見到有間吉豚屋，即刻諗起佢啲吉列豬扒，二話不說拉埋朋友衝過去食。
《吉列豬扒定食》
話明吉豚屋，梗係食佢嘅招牌吉列豬扒，食落去啖啖肉，一陣前所未有嘅快感直衝腦袋，配埋定食入邊嘅其他配菜，簡直是食肉獸嘅福音，一啖吉列豬扒滿足「肉望」，再加一啖生菜絲沖走油膩嘅感覺，來來回回幾個回合，話咁快就成碟K.O.咗。
食完之後回想返成餐飯，都算對得上呢個價錢。唯一美中不足係店員態度比較一般。
餐廳名稱：吉豚屋吉列豬扒專門店
餐廳地址：荃灣大河道98號如心廣場二期一樓116號舖
