Video
Read full review
2021-10-14
1204 views
今餐真喺有啲求其，完咗聚會，落返近葵興搵食，沿葵興道行，遇上「金港冰室」就中咗入去，其實，一來都鍾意幫襯冰室，向來都平靚正嘛，二來睇落間鋪幾新淨，又有出爐麵包賣，故都有心支持下啲本土小店。裡面嘅環境都OK嘅，兩邊喺卡位，中間就有少少 二人枱，算喺乾淨企理，卡位加高咗啲白膠板，所以，啲客就好醒目，揀晒兩邊卡位坐，除咗闊落啲之外，彼此嘅距離又隔開啲。調味料放晌枱，而餐具就放晒晌枱邊嘅抽櫃度，但依家嘅常態，為安全起見，就一定叫阿姐俾多杯熱水嚟消毒一下啲餐具。枱邊牆上就貼咗特餐、鐵板套餐出嚟，而另外仲提供午餐，包湯、包嘢飲，定價$48 / $50，都喺一般茶記價位。都研究咗好耐，老婆先搵到啱食，大家最後都喺揀午餐。埋單時晌收銀處見有外賣單張攞，所以，掃瞄貼埋出嚟俾大家參考。節瓜煲豬骨呢個喺是日例湯，味道就無咩驚喜架喇，平平穩穩咁啦，至少唔會「淡茂茂」，飲落都夠火喉，都收貨啦。蝦醬豆卜蒸腩片飯 $48蝦醬蒸豬肉喺好惹味嘅菜式，而呢一道蒸腩片，啲腩片果然堅肥，真喺7分肥3分瘦，比小弟預期中肥，喺啲肥肉部份做得一般，因為咬落去都仍然好「肥膏」，無話蒸一蒸逼出啲肥油，但配上鹹蝦醬都勉強O
裡面嘅環境都OK嘅，兩邊喺卡位，中間就有少少 二人枱，算喺乾淨企理，卡位加高咗啲白膠板，所以，啲客就好醒目，揀晒兩邊卡位坐，除咗闊落啲之外，彼此嘅距離又隔開啲。
調味料放晌枱，而餐具就放晒晌枱邊嘅抽櫃度，但依家嘅常態，為安全起見，就一定叫阿姐俾多杯熱水嚟消毒一下啲餐具。
枱邊牆上就貼咗特餐、鐵板套餐出嚟，而另外仲提供午餐，包湯、包嘢飲，定價$48 / $50，都喺一般茶記價位。都研究咗好耐，老婆先搵到啱食，大家最後都喺揀午餐。
埋單時晌收銀處見有外賣單張攞，所以，掃瞄貼埋出嚟俾大家參考。
節瓜煲豬骨呢個喺是日例湯，味道就無咩驚喜架喇，平平穩穩咁啦，至少唔會「淡茂茂」，飲落都夠火喉，都收貨啦。
蝦醬豆卜蒸腩片飯 $48蝦醬蒸豬肉喺好惹味嘅菜式，而呢一道蒸腩片，啲腩片果然堅肥，真喺7分肥3分瘦，比小弟預期中肥，喺啲肥肉部份做得一般，因為咬落去都仍然好「肥膏」，無話蒸一蒸逼出啲肥油，但配上鹹蝦醬都勉強OK。
鮮菌滑蛋蝦仁飯 $48鮮菌就罐頭貨，而滑蛋部份就比較「水」啲，個人就覺得似煲咗個粟米湯再打啲蛋花咁，唔喺期望中嘅炒滑蛋，大部份就好似個茨汁而已，至於啲蝦仁一般般，至少都唔會太細隻，都有點蝦鮮味，爽口度麻麻哋。
熱鴛鴦、熱杏霜老婆今鋪唔飲熱檸水，改試熱杏霜，佢就話夠杏仁香，但有少少偏甜；小弟嘅熱奶茶就無啦啦變咗鴛鴦，飲咗啖先發覺，咁我都唔抗拒嘅，只喺平常就甚少飲，為免嘥咗，照飲如是，而對鴛鴦嘅評價，雜，無咗個性。
今餐，可以講揀錯晒選項，亦嚟錯杯餐飲，所以，大家都食得唔太稱心，加上招呼真喺唔上心，又唔多禮貌，絕對喺唔會有下次。
Post
